"Твае першыя кнiжкi на беларускай мове" пад такой назвай у дашкольнай групе прайшла экскурсія- паларожа ў сельскую бібліятэку. Дзеці здзейснілі захапляльнае падарожжа ў свет беларускiх кніг: даведаліся пра тое, што азначае слова “бібліятэка”, пазнаёміліся з асноўнымі правіламі бібліятэкі, узгадалі як трэба звяртацца з кнігамі, як стаць чытачом бібліятэкі. У краіне кніг дзецi разглядалi iх, адгадалі шмат цікавых загадак, адказвалі на пытанні казачнай віктарыны "Угадай-ка казку". І, вядома ж, гарталі яркія маляўнічыя, ужо знаёмыя ім свае першыя кнігі на беларускай мове. Экскурсія зрабіла на дашкалят вялізнае ўражанне. Адыходзiць з бібліятэкі дзецям не хацелася, і яны паабяцалі зноў прыйсці ў бібліятэку.
У рамках правядзення восеньскага месячніка па навядзенні санітарнага парадку і падрыхтоўцы тэрыторый да зімовага перыяду супрацоўнікі, бацькі і выхаванцы нашай дашкольнай групы прынялі ўдзел у суботніку. Узброіўшыся інвентаром і добрым настроем усе дружна прыступілі да працы - збіралі смецце, прыбіралі якое апала лісце, прывялі ў парадак кветнікі. Прыемна было бачыць вынік сваёй працы, бо кожны ўнёс у агульную справу часцінку свайго цяпла. Прыбраная тэрыторыя дашкольнай групы радуе вока ўсіх навакольных, усюды чыста і казачна прыгожа. Працоўны дэсант прайшоў натхнёна, актыўна, з запалам.
|
|
|
|
|
|
|
|
|
|
|
|
|
|
|
|
|
|
|
|
|
