Наведванне музея – выдатная ідэя, каб цікава і пазнавальна правесці час. А калі сумясціць музей і квэст, то гэта ператворыцца ў сапраўдную прыгоду!
4 лістапада ў школьным музеі для навучэнцаў, якія наведваюць лагер “Сонейка”, была праведзена квэст-гульня “Па старонках школьнага музея”. Дадзены квэст – музейная камандная гульня з паслядоўным праходжаннем этапаў, якія складаюцца з некалькіх заданняў. Выкананне кожнага папярэдняга задання дае магчымасць перайсці на наступны этап гульні. Галоўная задача кожнай каманды – разгадаць ключавы выраз гульні “Мой родны кут, як ты мне мілы!..”. У час мерапрыемства кожнае звяно ажыццявіла падарожжа па станцыях: “Прадметы даўніны далёкай”, “Сімволіка Свіслацкага краю ”, “З гісторыі школы”, “Свіслаччына ў гады вайны”. Пытанні і заданні, звязаныя з гісторыяй родных мясцін і школы, сталі асноўным зместам распрацаванага мерапрыемства. Выхаванцы адказвалі на пытанні віктарыны,складали гексы, малявалі, суадносілі падзеі вайны і даты, адгадвалі загадкі пра музейныя экспанаты і знаходзілі іх у музеі.
Вывучэнне гісторыі малой радзімы пашырае і ўзбагачае нашы веды аб родных мясцінах, абуджае цікавасць і любоў да роднага краю і яго гісторыі, дапамагае больш поўна адчуць і ўсвядоміць сувязь гісторыі з жыццём. Але гэтую цікавасць трэба выхоўваць. Менавіта квэст-гульня спрыяе гэтаму, дзякуючы сваёй інтэрактыўнасці і магчымасці максімальна ўцягнуць навучэнца, зрабіць яго не пасіўным слухачом, а актыўным удзельнікам падзей.
