Мы мацнейшыя, чым учора,
І вясёлы дзень здароўя,
Сёння ў нас прайшоў не дарма!
Сёння, 02.12.2021г., у нашай дашкольнай установе з мэтай
далучэння дзяцей да заняткаў спортам, прапаганды фізічнай культуры і
здаровага ладу жыцця быў арганізаваны дзень здароўя.
Напярэдадні свята для бацькоў былі абноўлены інфармацыйныя
стэнды і стэнды па пытаннях фізічнага выхавання і аздараўлення
Раніца ў дзіцячым садзе пачалася з рытмічнай гімнастыкі пад
дзіцячыя вясёлыя песні. А пасля карыснага сняданку была праведзена
гутарка і занятак на тэму: “Карысныя і шкодныя звычкі”, “Што значыць
быць здаровым?” Таксама на працягу дня праводзіліся разнастайныя
дыдактычныя гульні: “Што карысна, а што шкодна для здароўя”, “Што
добра, што дрэнна для арганізма”, “Што было б, калі б …”, “Што
ведаеш пра …”, “Карысная ежа”.
На працягу ўсяго дня, выхаванцы падарожнічалі па станцыям
“Краіны здароўя”. Наведалі станцыю “Гігіена”, дзе пашырылі свае
ўяўленні аб прадметах асабістай гігіены, аб неабходнасці мыць рукі і
твар, чысціць зубы, сачыць за сваім знешнім выглядам. На станцыі
правільнае харчаванне праверылі свае веды аб карысных і шкодных
прадуктах, наяўнасці ў іх вітамінаў. Падарожжа па краіне Здароўя
працягнулася на станцыі “Рэжым дня”. Пазней усе прыбылі на станцыю
“Спартыўная”, дзе замацавалі правілы загартоўвання арганізма,
захавання і ўмацавання здароўя, пагулялі ў гульні “Зімовыя віды
спорту”, “Спартыўны лабірынт”.
У другой палове дня праводзіліся цікавыя, займальныя конкурсы,
сюжэтна-ралявыя гульні, чытанне мастацкай літаратуры аб здароўі,
разглядванне ілюстацый, карцін і інш.
Дзеці былі ў захапленні ад “Дня здароўя”, атрымалі зарад
бадзёрасці і добрага настрою, шмат ведаў, потым яшчэ доўга жадалі
адзін аднаму здароўя!
Гэты дзень прайшоў з карысцю для здароўя, бо нездарма кажуць:
“У здаровым целе – здаровы дух!”
